တစ်ကိုယ်ရည်အာသာစိတ်ဖြေခြင်းဟာ ဝက်ခြံထွက်စေပါသလား

တစ်ကိုယ်ရည်အာသာစိတ်ဖြေခြင်းဟာ ဝက်ခြံထွက်စေပါသလားကျားမမရွှေးသိထားသိတဲ့ အရာလေးမို့ Share လုပ်ပီးဖတ်လိုက်ပါ

တကယ်တော့ စိတ်ဖြေခြင်းနဲ့ ဝက်ခြံထွက်ခြင်းအကြား သိပ္ပံနည်းကျ ခိုင်လုံတဲ့ဆက်စပ်မှုမရှိပါဘူး။ ဒါပေမယ့် လွန်ခဲ့တဲ့ နှစ်ပေါင်းများစွာကတည်းက လူမှုအဖွဲ့အစည်းအတွင်းမှာ လူငယ်တွေကို အရွယ်မတိုင်ခင် လိင်မှုကိစ္စလိုက်စားတာကို ကာကွယ်ဖို့အတွက် လိင်ဆက်ဆံရင် ဒါမှမဟုတ် တစ်ကိုယ်ရည်စိတ်ဖြေရင် ဝက်ခြံပေါက်တတ်တယ်လို့ ပြောစမှတ်ဖြစ်ခဲ့ကြပါတယ်။ ဒီတော့ အခုခေတ်သိပ္ပံပညာအရ ဒီကိစ္စကို အဖြေရှာကြည့်ကြပါစို့ဗျာ။

တစ်ကိုယ်ရည်စိတ်ဖြေခြင်းနဲ့ ဝက်ခြံပေါက်ခြင်းအကြားက ဆက်စပ်မှုကို လေ့လာထားတဲ့ ဆန်းစစ်လေ့လာမှုတွေ မရှိသေးပါဘူး။ ဒါပေမယ့် ဟော်မုန်းအပြောင်းအလဲနဲ့ ဝက်ခြံပေါက်ခြင်းဟာ ဆက်စပ်မှုရှိတယ်ဆိုတာကိုတော့ ကျွန်တော်တို့အားလုံးသိထားပြီးသားပါ။ အထူးသဖြင့် တက်စတိုစတီရုန်းလို့ ကျားဟော်မုန်းတွေ ပမာဏများလာတဲ့အခါမှာ ဝက်ခြံထွက်လာတတ်ပါတယ်။ ဒီတော့ လိင်စိတ်နိုးကြွတာနဲ့ လိင်ဆက်ဆံတာတို့က ကျားဟော်မုန်းပမာဏကို များလာစေလာဆိုတာကို ကြည့်ဖို့လိုအပ်လာပါတယ်။

လေ့လာမှုတွေအရ အမျိုးသမီး အမျိုးသားနှစ်ဦးစလုံးမှာ လိင်ကိစ္စခံစားမှုအထွဋ်အထိပ်ကို ရောက်ရှိပြီးဆုံးတဲ့အခါမှာ တက်စတိုစတီရုန်းဟော်မုန်းပမာဏအနည်းငယ်ပဲ တိုးလာတယ်လို့ ဆိုပါတယ်။ ဒီလိုပါပဲ၊ လိင်စိတ်နိုးကြွတဲ့အခါမှာလည်း ဟော်မုန်းပမာဏအနည်းငယ်သာ မြင့်တက်လာပြီး မိနစ်ပိုင်းအတွင်းမှာ မူလအခြေအနေကို ပြန်လည်ရောက်ရှိသွားလေ့ရှိပါတယ်။ ဒီတော့ လိင်စိတ်နဲ့ ပတ်သက်တဲ့ ဟော်မုန်းအပြောင်းအလဲကြောင့် ဝက်ခြံပေါက်တယ်လို့ ပြောရလောက်တဲ့ အထောက်အထားမရှိပါဘူး။ နောက်ထပ်ရှုပ်ထွေးသွားစေနိုင်တဲ့ အချက်တစ်ခုရှိပါသေးတယ်။ လိင်မှုကိစ္စရှောင်ပြီး (၇)ရက်ကြာတဲ့အခါမှာ သုက်ပိုးဖွဲ့စည်းမှုနဲ့ သက်တမ်းကြာမြင့်မှုတို့ကြောင့် တက်စတိုစတီရုန်းပမာဏ ထူးထူးခြားခြား မြင့်တက်လာလေ့ရှိတယ်လို့ သုတေသနရလဒ်တစ်ခုမှာ ဖော်ပြထားပါတယ်။

နိဂုံးချုပ်အနေနဲ့ဆိုရင် တစ်ကိုယ်ရည်စိတ်ဖြေခြင်းနဲ့ ဝက်ခြံပေါက်ခြင်း ဆက်စပ်မှုရှိမရှိဆိုတာကို အခိုင်အလုံထောက်ပြစရာမရှိပါဘူး။ လက်ရှိသုတေသနရလဒ်တွေအရ တစ်ကိုယ်ရည်စိတ်ဖြေခြင်းအပါအဝင် လိင်မှုကိစ္စတွေက ခန္ဓာကိုယ်တွင်း ဟော်မုန်းပမာဏကို အနည်းငယ်ပဲပြောင်းလဲစေတယ်လို့ သိထားပြီး ဖြစ်ပါတယ်။ ဒီလို အနည်းငယ်ပြောင်းလဲမှုကြောင့်ပဲ ဝက်ခြံပေါက်သလားဆိုတာကိုတော့ နောက်ထပ်လေ့လာမှုတွေ လုပ်ဆောင်ဖို့ လိုအပ်လျက်ရှိနေဆဲပဲ ဖြစ်ပါတယ်။

credit to original writer